OPEN
HOUSE
BILBAO 2020
Jaialdiak bere laugarren edizioan COVID-19ak sortutako egoera berriari aurre egin behar izan dio, eta horretarako bai bere formatua eta bai jarduera guztiak beharrezko osasun neurrietara egokitu dira. Ekitaldiak oinarritzat erabili dituen irizpideak pilaketak ekiditea, gutxieneko distantziak bermatzea eta nahitaezko higiene-neurriak gehitzea izan dira.
Open House Bilbao-ren laugarren edizioa, 2020ko urriaren 24 eta 25ean ospatua, edizio berezia izan da, zeinetan Bilbon zehar 26 espaziok ateak ireki dizkien publikoari, guztiz dohainik. Edizioaren ildo nagusitzat Espazio Publikoa izanik, jaialdiak hausnarketa bat planteatzen du, kale, plaza eta parkeek gaur egun jokatzen duten paperari buruz eta hauek errealitate berrietara nola molda daitezkeen eta behar duten birpentsatuz.
Espazio anitzetarako bisitez gain, bestelako jarduerak ere garatu ziren, kaleak kulturaz eta esperientzia arkitektonikoez bete zituztenak: ibilaldiak bizikletan, hiria-natura ibilaldi gidatuak, familientzako tailerrak, paseoak itsasontzian, etab.
Gainerako urteetan ez bezala, eta osasun neurri guztiak betetzen zirela bermatzeko, jarduera guztiek behar zuten aurretiko izen ematea. Era berean, pertsonen taldekatzeentzako ezarritako gomendioak jarraituz, taldeen edukiera murriztu zen guzti horietan.
Urtero bezala, boluntariotza ekitaldiaren funtsezko oinarria izan zen, eta berriro ere emaitza egoera dela eta espero zenaren gainetik egon zen, eta 350 pertsona baino gehiagok eman zuten izena.
16
374
1.469
46.391
698
1.203
85.195
94.434
94.453
OPEN
HOUSE
BILBAO 2019
2019-ko irailaren 28 eta 29 ospatu zen Open House Bilbao jaialdiaren hirugarren edizioan Bilbo, Barakaldo eta Getxoko 81 eraikinek beraien ateak dohainik ireki zituzten. Itsasadarra ardatz hartuz bisitariak gertaera historiko garrantzitsuak, pertsonaia ezagunen bizipenak, kultur joera ezberdinak eta estilo artistikoak eta nortasun propio zein partekatuak ezagutzeaz gain kulturaren parte den arkitektura eta ondarearen garrantzia azpimarratzeko aukera izan zuten.
Open House Bilbao-ren bizipena osatu eta borobiltzeko helburuarekin beste zenbait ekintza arrakastatsu gauzatu ziren: Open Txiki, Open Ría, 360º esperientziak, Open ibilbideak, Open Galindo eta OpenGram lehiaketa besteak beste.
631 bolondresei esker berriz ere 34.000 bisitako langa jaustea lortu zuten Bilbo, Barakaldo eta Getxoko Open eraikinak eta gainontzeko ekintza osagarriek.
16
606
2.524
51.718
698
1.203
234.161
162.696
97.496
OPEN
HOUSE
BILBAO 2018
Open House Bilbaoren bigarren edizioak, Bilbo eta Barakaldoko biztanleek, arkitektura, historia eta hiriaren inguruan duten jakinmina berretsi zuen. 2018ko edizioan, bi hiriak gehituz, 67 espazio izan ziren ateak ireki zituztenak, interesa zuen edonori ezkutuko sekretuak ezagutarazteko. Open espazioen bisitez gain profesionalek zuzendutako beste aktibitate ugarik osatu zuten programa. Horietako gehienak, Opengram lehiaketa esaterako, lehen edizioko arrakasta errepikatu zuten.
35.000 esperientzia baino gehiago bizi izan ziren jaialdian, adin guztiei zuzenduta, haurrentzako tailerretatik hasi eta itsasadarrean zeharkako pasealdietaraino. Programa guztia aurrera eraman ahal izateko, izena eman zuten 600 boluntario baino gehiagoren energia eta konpromisua ezinbestekoa izan zen.
Jaialdiak, Bilbo eta Barakaldoko Udalen Hirigintza Sailen babesa izan zuen, Bizkaiko Foru Aldundiaren Kultura Sailaren laguntza “Udazken Kulturalaren” programaren barruan eta baita Eusko Jaurlaritzaren Etxebizitza Sailarena ere.
15
606
2.419
1.281
1.653
1.281
34.907
75.732
100.010
OPEN
HOUSE
BILBAO 2017
Jaialdiaren lehen edizioak, gizarteak duen arkitektura eta hiriaren inguruko jakinmina eta interesa frogatu zuen. Bilboko etorkizuna eraikitzeko balio garrantzitsua suposatzen du. Asteburuan zehar, 47 eraikinek musutruk ireki zituzten ateak. Bisitariek eraikin historiko, etxebizitza, fabrika, eraikin administratibo… hiri osoan zehar zabaldutako eraikinetara sartzeko aukera izan zuten. Bisitez gain, Open House esperientzia handitzeko asmoz, gainerako beste zenbait ekintza arkitektoniko prestatu ziren: 360º esperientziak, Open Guggenheim eta OpenGram lehiaketa besteak beste.
Guztira, 36.000bisita gauzatu ziren Open eraikin eta gainontzeko ekintzen artean . Bestalde, Victoria Thornton, Open House mugimendu internazionalaren sortzailea izan zen gure artean, Open House Bilbao asteburuan parte hartuz.
Jaialdiak, Bilboko Udalen Hirigintza Sailaren babesa izan izateaz gain, Bizkaiko Foru Aldundiaren Kultura Sailaren laguntza eta Eusko Jaurlaritzaren Etxebizitza Sailarena ere jaso zuen.
15
395
2.260
66.686
1.653
2.158
31.888
36.380
34.724
