Gran Hotel Domine

Hotela eraikin industrial ohi batean dago, Guggenheim Museoaren parean. IA+B estudioaren erantzun arkitektonikoa apaltasun nahikoarekin planteatu zen Zabalguneko ingurunearen, museoaren eta arkitekturaren aurrean, baina erabilera berriak eta espazioen, materialen eta akaberen bidez lehiatu gabe ekarpenak egiteko borondateak markatutako berezko nortasunari uko egin gabe. Gainera, Xavier Mariscal diseinatzailearen eta Fernando Salas dekoratzailearen esku-hartzeak berezitasuna eta dinamismoa eman zizkion hotelari.

Programa forma irregularreko solairu bat oinarri izanik garatzen da, fatxadako bi aurrealde kontrajarri eta bereiziekin, bata Lersundi kalearekiko, eskema tradizional bati erantzuten diona inguruko hiri-ehunarekin elkarrizketan; eta, bestea, Mazarredo Zumarkalearekiko, Guggenheim Museorantz, bere ingurua islatzen duena irudi eten eta aldakorrekin, angelu desberdineko beirazko errezel-horma txikien bidez.

Eraikinaren sakontasunaren ondorioz, argi-patio bat sortu beharra izan zen, eta zenbait gela ireki. Patioa, atari bihurtuta, multzoa antolatzen duen funtsezko elementua da. 26 metroko altuera duen harrizko altzifrea nabarmentzen da, espazioa osatzen duena eta ikono bihurtua.

Hotelak eraberritze integrala jasan zuen 2017an Foraster Arquitectos estudioaren eskutik barrualdea garaikideago bihurtzeko asmoz, diseinu erlaxatuago batekin.