Bisita hauek Norman Foster eta Luis Maria Uriarte (Foster+Partners+LM Uriarte Arkitektura) arkitektoek diseinatutako museoa handitzeko proiektua hobeto ezagutzeko aukera eskaintzen dute. Bisitan ‘45eko eta ’70eko eraikinei buruzko hausnarketa egingo da, eta, amaitzeko, handitze-proiektu berria azalduko da. Horretarako, museoaren testuinguruan kokatutako azalpen-bideo bat ikusiko da.

Elementu horien bidez, gidaren azalpenarekin batera, museo berriaren goiko aldeko pieza ildaskatuaren protagonismoa landuko da, haren lerdentasuna indartuko baita, eta metro karratuen zabalkuntza, erakusketa-gune eta jardueretarako, hala nola atari berria edo BBK-Museoa.