BEC!-en bihotza bere 6 pabiloiak osatzen dute. Horien artean erabilera askotariko pabiloia, Bizkaia Arena gisa ere ezagutzen dena, nabarmentzen da. Espainiako erabilera askotariko pabiloirik handiena da 18.000 lagunentzako edukierarekin. Pabiloi honen ezaugarririk nagusiena edozein ekitaldi antolatzeko, kontzertuetatik motocross espektakuluetara, duen aldakortasuna da. Aldakortasun hau mugi daitezkeen harmailek ahalbidetzen dute.

Multzoaren barruko sarreraz gain, kaletik zuzeneko sarrera bat ere badu. Bizkaia Arenan ospatzen diren ekitaldien kopuru handia dela medio, formatu handiko ekitaldiak hartzeko beharrezkoa den kamerino eta backstage gune bat ere badago.