Zazpigarren artea da, zalantzarik gabe, aisiarako modu zabalduenetako bat. Baina, era berean, aukera paregabea eskaintzen du gure bizitzako alderdi guztietan, arkitekturan barne, gogoeta egiteko eta ikuspegi berriak aurkitzeko. Bernardo I. García de la Torre arkitekto, dibulgatzaile eta “Arquitectura para el cine en Bilbao” liburuaren egileak zuzenduko duen zineforumak lanbideari buruzko hausnarketa indibiduala eta kolektiboa egitea du helburu. Sarrera labur baten ostean, “El Manantial” filma proiektatuko da. 1949ko filma, King Vidorrek zuzendua eta Gary Cooper eta Patricia Neal protagonista dituena.