* Erakusketa aste osoan zehar 17:30-20:00 bitartean bisitatu ahal izango da. Larunbatean ordutegia 10:00-14:00 izango da. El sábado el horario será de 10:00 a 14:00.

“La Perrera-ko zaintzaileak” ikus-entzunezko eta eskulturako instalazioa da María Gracia Cebrecos Loayza egina. Bilboko Sabino Arana kaleko 50ean dagoen La Perrera udal eraikinerako sortua. Proiektuak bere arkitekturari heltzen dio, mende bat baino gehiagoan zehar bere erabilera ezberdinen memoriak metatu eta eraldatzeko euskarri gisa.

1921ean Materia Sukoi eta Arriskutsuen Gordailu gisa sortu zenetik, eraikinak hainbat eraldaketa izan ditu, eta aztarna material eta sinbolikoak utzi ditu, hormetan eta egituretan ezkutuan. Artxibo historikoarekin egindako lanetik abiatuta, memoria horiek birsortzearen eta fikzioaren bidez aktibatzen dira, eta irakurketa espekulatibo bat proposatzen da, non iragana orainean berrosatzen den. Lanak grabazioak, artxiboko materiala, 3D eskaneatzeak eta programazio eta adimen artifizialaren bidez sortutako irudiak konbinatzen ditu, espazioarekin zuzeneko elkarrizketa bat ezarriz. Teknologia horiek ez dira tresna gisa soilik erabiltzen, artxiboa beren lengoaietatik berrinterpretatzen duten erregistro-agente gisa baizik, giza memoriarekin paralelismo bat eginez.

Testuinguru horretan, “zaintzaileak” azaleratzen dira: erraldoi, buruhandi eta txakurren arteko presentzia hibridoak, eraikinaren aurreko erabileren oihartzun gisa bizi direnak, materia, memoria eta arkitektura kondentsatuz.

Narratiba horiek morterozko, zeramikazko eta erretxinazko pieza eskultorikoetan gauzatzen dira, eta artxiboko zatiak fosilizatzen dituzte. Proiekzioaren, soinuaren eta materiaren bidez, instalazioak hausnartzen du eraikin historikoek nola jarraitzen duten memoria kolektiboarekin hitz egiten eta teknologia garaikideek nola eraldatzen dituzten kontakizun horiek.

Eraikinaren erabilerak: 1921: Gai Sukoi eta Arriskutsuen Biltegia; 1960: Udal biltegia; 1978: Udal tailerrak sartzea; 1982: Udal txakurtegia; 2018 – gaurkotasuna: Udaltzaingoa, 2022 – Gaurkotasuna: Bilboko Udaleko gazteen zentro soziokulturala.

Piezak/Obrak:

1. Artxiboa mahai gainean:
Bilboko Udal Artxibo Historikoaren, Bizkaiko Foru Artxibo Historikoaren eta GeoEuskadiren dokumentuak biltzen dituen proiekzioa: planoak, aurrekontuak, kontratuak, gutunak, argitalpenak, argazkiak eta aireko ikuspegiak.

2. Erreplikak:
Eraikinaren artxiboko erliebeak, baldosen eta moldeen formatuan.
Morteroa, zeramika, epoxi erretxina eta poliesterra.
Irudiak programazio bidez berrinterpretatzea, topografia materialetan itzulita.

3. Txakurtegiko zaindariak:
Aretoan instalatutako murgiltze-ikus-entzunezko proiekzioa polikrystal errezelekin.