Proiektua Hemen (neo-artisautzaren fabrika) sorkuntza eta dibulgazio garaikideko espazio bat da, non diseinuaren eta artisautzaren inguruko esperientziak ikasi, ezagutu eta partekatzen diren. Markel eta Estelak zuzentzen dute nabe hau —batzuetan etxea deitzen diote, besteetan kobazuloa, besteetan laborategia, eta beti bizi-erronka bat.

Dena 2016an hasi zen, tailer txiki batean. Ordutik, proiektua eraldatuz joan da helburu berarekin: komunitatea sortzea, egiteko modu ezberdinak bultzatzea eta hurbiltzea, eta lan artisauaren zein esperimentazio plastikoaren balioa azpimarratzea.