XIX. mendearen amaieran, eta hiria itsasadarraren ezkerraldera zabaltzen zuen Zabalgunearen Proiektua garatzeko prozesuaren barruan, ordura arte Abandoko Errepublika izan zenak Bilboren anexioa jasan zuen 1870ean, eta anexio hori 1890ean osatu zen. Une horretatik aurrera, bertako lurrak pixkanaka okupatuko zituzten kale, plaza eta eraikin berriek, gaur egun Zabalgune bezala ezaguna dugun eremua eratzen hasi ziren. Garai hartatik bizirik iraun zuen eraikin bakarra San Bizente eliza izan zen.

Horrela sortu zen, eliza horren ondoan, Albiako Lorategien plaza, XIX. mendearen azken urteetan inauguratua, Zabalgunearen lehen fasean, Bilbo modernoaren espazio publiko berrietako bat bezala. Espazioa 1876an onartutako Zabalgunearen proiektuan trazatuta zegoen jada, eta lorategi erromantikoaren tipologiari jarraitzen dio; berdeguneak dira nagusi, zuhaizti zabalekoak, egonleku eta atseden leku gisa pentsatuak.