Coll-Barreu estudioaren proiektu batean datza, Osakidetzaren egoitzaren diseinuaz arduratu zen estudio bera. Bilbao Ria 2000ren 2005eko ideia-lehiaketa irabazi zuten.

Bilbo eta inguruko Hiritarren Segurtasuna eta Babes Zibilaren (honela deritzo) egoitza berria 15.000m² dituen Miribillako orube batean finkatzen da, inguruko meatze ustiapen historikoa dela-eta ezegonkorra den lur eremu batean. Bertatik, talaia lez, hiria magalean duela, Bilboren ikuspegi pribilegiatu batez goza daiteke.

Multzoa hainbat eraikin modernok osatzen dute: bata beirazko fatxada eta forma irregularra duen Hiritarren Segurtasunaren eraikina da, pasabide baten bidez, lerro zuzenak dituen eta sinpleagoa den Babes Zibilaren eraikinarekin lotzen dena. Pasabide horretan liburutegia eta dokumentazio zentroa kokatu dira, bi eraikinek erabil ditzaten.

Proiektuaren elementurik adierazgarriena suhiltzaileen entrenamendu dorrea da, 32,50 metroko altuerarekin, multzoari bertikaltasuna ematen dion puntua. Dorrea sekzioan eraikitzen da, altueran hormigoiaren izkinak areagotu eta dorrearen inertzia bertikala hobetzeko. Dorreaz gain, Babes Zibileko patioan ke-galeria txiki bat ere badago, non suhiltzaileek muturreko sute egoerak lantzen dituzten. Babes Zibileko eraikinean larrialdietan irteteko prest dauden 22 kamioientzako edukiera duen hangar handi bat dago. Bere gainean hiru solairu gehiago daude.

Era berean, eraikinaren erdian entrenatzeko espazio handi bat dago (eraikin erdi okupatzen duena) kiroldegi-pistarekin, saunarekin, aldagelekin… Espazio hau komuna da polizien eta suhiltzaileen artean. Hiru solairuko altuera duen espazio garbia da, eraikinaren erdialdea argiztatzen duena. Arestian aipatu bezala, eraikinak lur eremu ezegonkor batean bermatzen dira, Bilboko meatzeen gainean betelan bidezko lur eremua batean. Horregatik, eraikinen izaera immateriala, airean zintzilikatzen diren xafla tolestu batzuen antzera. Lamina horiek hiriaren historia eta irudia, biztanleen bizimoduarekin batera eraldatu duten eraikin industrialei keinu ere egiten die.