Seigarren urtez jarraian, Open House Bilbao jaialdiak egitarau zabala eta anitza eskaini zuen, herritarrak hiriko arkitekturan eta hirigintzan partaide bihurtuz.
Open House Bilbaoren seigarren edizioak, Zentzumenen Hiria lelopean, gure hiriari buruz denok ditugun pertzepzio indibidual eta subjektiboei buruzko gogoeta egin zuen.
Zergatik aukeratzen dugu kale bat edo beste paseorako? Edo plaza batek gelditzera gonbidatzea? Zuhaitzen presentzia, hiri-altzarien mota, eraikinen fatxadak edo beheko solairuko merkataritza-jarduerak dira?
Azken bi edizioetan ez bezala, antolatzaileek ekitaldia udazken hasieran egiteko ohiko data berreskuratzea erabaki dute, eta OHB22 edizioa urriaren 1eko eta 2ko asteburuan ospatu da.
Bilbok berriro ireki zituen bere eraikin adierazgarrienen ateak.
64 gune bisitatu ahal izan ziren urriaren 1eko eta 2ko asteburuan. Eraikin horiek beren balio arkitektoniko eta historikoen arabera aukeratu dira.
Bisitak euskaraz zein gaztelaniaz egin ahal izan ziren, talde bakoitzaren baldintzen eta boluntario gidariaren gaitasunen arabera. Helburua da arkitekturaren zeregina zabaltzea, ez bakarrik ikuspegi estilistiko, tipologiko eta historikotik, baita ikuspegi sozialetik ere, eraikinen barruan bizitako istorioak azaltzea, azkenean hiriaren funtsa baitira.
Jaialdiaren jatorrizko formatua berreskuratuz, bisita guztietara doan eta aldez aurretik izena eman gabe sartu ahal izan zen. Nahikoa izan zen bisitatzera eraikinera hurbiltzea eta bisitari guztiei esleitu zitzaien txandaren zain egotea.
Gune desberdinetara egindako bisitaldiez gain, kaleak kulturaz eta esperientzia arkitektonikoz bete zituzten beste jarduera asko ere garatu ziren: bizikletaz egindako ibilbideak, hiri ibilaldi espezializatuak, familia tailerrak, itsasontziz egindako ibilaldiak, bisita bereziak, egile-bisitak, etab.
Open House Bilbaok, 2017an hasi zenetik, ehunka boluntarioren konpromisoa eta gogoa du jaialdia hain berezia izan dadin. Open House Bilbao 2022ren edizio honetan, Open UrbaniTy Elkarteak izena emandako 500 boluntario baino gehiago inplikatu, prestatu eta banatu zituen.